Yangi spektakl muhokamasi.

Yurtimizda inson, uning qadrni ulug‘lashga alohida e’tibor qaratilmoqda. Teatr jamoasi tomonidan mahalliy dramaturg X.Xursandov asari asosida sahnalashtirilgan “O‘lding, aziz bo‘lding” spektaklida ham inson qadrini ulug‘lash, farzandlarning ota-onaga nisbatan mehrli bo‘lishlari kabi oliyjanob fazilatlar ilgari surilgan. Spektakl qahramoni Mavlon ota do‘stining janazasiga yakka-yu, yagona o‘g‘li qatnashmaganidan ranjiydi. Mavlon otaning farzandlari ham janazaga kelmay qolishi xovotir uyg‘otadi. Shu bois, farzandlariga o‘limi haqida xabar yubortiradi. Qaltis hazil ortidan boshlangan voqeyliklar asnosida farzandlarning ota-onaga bo‘lgan muhabbati orqali tomoshabin mulohazaga chorlanadi. Rejissor F.Boltayev, rassom B. Allayorovlar tomonidan joriy repertuar rejasiga ko‘ra sahnalashtirilgan spektakl O‘zbekiston Respublikasi Madaniyat vazirligi mutaxassislari muhokamasidan o‘tkazilib, tavsiyalar asosida qabul qilindi.