Harakatdagi repertuar

Har bir faslning o‘z jozibasi tarovati bo‘lgani singari, insonlar ham turli xarakterga ega. Shu ma’noda o‘z taqdirini folga ishonib hal qiladigan, orzu maqsadlarni shunga ko‘ra belgilaydiganlar ham yo‘q emas. Tanganing ikki tomoni bo‘lgani singari ushbu spektaklda folbin Yaxshixonning Erkaboy bilan kelishuviga ko‘ra asar qahramonlaridan biri Suqsurning odam savdosi qurboni bo‘lishiningn oldi olinib, oilasi bilan totuv yashashiga erishiladi. Spektakl voqealari odam savdosini oldini olishga qaratilgan.

Yurtimiz tinchligi yo‘lida tunni-tongga ulab xizmat qilayotgan Vatanimizning mard va jasur askarlari faoliyati misolida zamondosh obrazi gavdalantiriladi.

Buyuk mutafakkir, davlat arbobi, so‘z mulkining sultoni Alisher Navoiy hayoti va ijodiga bag‘ishlangan.

Milliy qadriyat va an’analarni asrash, targ‘ib qilish mavzusida.

Asardagi voqea X asrning oxirlarida Termiz shahrida bo‘lib o‘tadi. Muhammad Hakim Termiziyning qizi Hurayda binti Hakima va alloma Varroq Termiziyning qizi Ruhayda o‘sha davrda dunyoning turli mintaqalaridan kelgan qizlardan 40 nafarini to‘plab, ularga diniy va dunyoviy ta’limotdan saboq beradi. Asar g‘oyasi ilmu-ma’rifat yo‘lida xizmat qilgan Hurayda va Ruhaydalarning ilmiy va ijodiy faoliyatini targ‘ib qilishga qaratilgan.

Spektaklda xalqni bir tug‘, bir maqsad sari birlashtirish, el-yurt faravonligi, mehr-muhabbat, chin do‘stlik, yurt ravnaqi yo‘lida xizmat qilish, halol va pok yashash kabi ezgu g‘oyalar ilgari suriladi.

Spektakl tabiatni asrash va uning nematlaridan oqilona foydalanish mavzusida bo‘lib, spektakldagi voqealar misolida tabiatga yetkazilayotgan zarar, uning ayanchli oqibatlari, yurtboshimizning orol dengizini qutqarish borasidagi xayrli tashabbuslari namoyon etiladi.

Spektaklda xalqimizning boy an’ana va ijodiy merosi musiqali chiqishlar orqali tarannum etiladi.

Sohibqiron Amir Temurning o‘g‘li Mironshoh hukmronlik qilgan saltanatda adolat o‘rnatish borasidagi mashvaratiga bag‘ishlanadi.

Yaxshilikning yomonlik ustidan g‘alaba qozonishi, halol mehnat qilishga da’vat qilish to‘g‘risida.

Oilalarni mustahkamlash, mehr oqibat tuyg‘ularini targ‘ib qilishga qaratilgan.

Alisher Navoiyning “Layli va Majnun” dostonidagi ilohiy muhabbat Layli va Majnun timsolida tarannum etiladi.

Tibbiyot xodimlar tomonidan aholiga tibbiy xizmat ko‘rsatishdagi salbiy holatlar va kasbga sadoqat va xiyonat yoritiladi.

Farzand iztirobidagi oilaning umrguzaronligi, er va xotinning bir-biriga bo‘lgan muhabbati, sabrning natijasi namoyon etiladi.

Oiladagi qaynona kelin munosabatlari kulgili tarzda ochib beriladi.

Spektaklda Baxtiyorning sof muhabbatiga erishish yo‘lidagi mashaqqatlar va uning sevgilisi Dilraboning iztiroblari misolida tarannum etiladi.

Ikkinchi jahon urishining mudhish oqibatlari va tinchlik ne’matini qadrlash g‘oyasi ilgari suriladi.

Jan-Batist Poklen (Moler) ning “Zo‘raki tabib” asari komediya janriga xos bo‘lib, asar qahramonlaridan biri, o‘tinchi Sganarelning turmush o‘rtog‘i Martina undan qasd olish maqsadida Sganarelni tabib qilib ko‘rsatadi. Qistov va kaltaklar orqali tatib vazifasiga kirishgan Sganarel bemor Levsinda va Leondrning baxtli hayot qurishiga sababchi bo‘ladi. Ushbu asardagi voqeylik orqali, bugungi kunda ham boylik orttirish ilinjida farzandlarini baxtini qurbon qilayotganlarning hatti-harakatlari kulguli tarzda ochib beriladi.

O‘zbek adabiyotining yetuk namoyondalaridan bir Hamza Hakimzoda Niyoziyning “Maysaraning ishi” spektakli qahramoni Maysara va uning zukkoligi tomoshabinni befarq qoldirmaydi. Uch parda, to‘rt ko‘rinishli musiqali komediya janrida ushbu asar qahramoni Maysara siymosida oilasi sha’ni, me’rosini himoya qiluvchi aqilli ayol gavdalansa, asar qahramonlaridan biri Mulla do‘st qiyofasida jafokash xalq timsoli namoyon bo‘ladi. Bu ikki obraz ishtirokidagi voqealar rivojida, Haybatillo qozi, Hidoyatxon va Hoji darg‘alarning asl qiyofasi, g‘arazli maqsadlari, yuzaga keladigan kulguli holatlar tomoshabinni mulohaza qilishga chorlaydi. Maysaraning aqlu zakovati Qozi, Hidoyatxon va Hoji Darg‘alarning qopqonga tushishiga sabab bo‘lishini namoyon etadi..

Tarixda nom qozogan qahramonlarimiz, ularning xalq farovonligi, saltanat himoyasi uchun qilgan ishlari, ko‘rsatgan jasoratlari, avlodlarga g‘ururlanish hissini beradi. Shunday afsonaviy qahramonlardan biri To‘maris hisoblanadi. Ajdodlardan faxrlanish va vatanparvarlikni targ‘ib qiluvchi spektakl.

Diniy oqimlar tuzog‘iga ilinib, qilgan xatolari oqibatida qurbon bo‘lgan Nazirjonning ayanchli qismati haqida. Spektakl Nazirjon taqdiri misolida tomoshabinlar ayniqsa yoshlarni ogohlikka da’vat qiladi.

Spektakl 2000-yil Sariosiyo tumaning Kishtut dahasida halok bo‘lgan askarlar xotirasiga bag‘ishlangan. (davlat buyurtmasi)

Spektaklda bugungi kunning dolzarb mavzularidan biri bo‘lgan onlayn qimorning mudhish oqibatlari ko‘rsatiladi. Onlayn qimorga ruju qo‘ygan Asilbekning yutqazishi, ota-onasining beparvoligi natijasida katta qarzga botib, o‘zi va oilasini xarob qilishi haqida.

Spektaklda dolzarb mavzulardan biri bo‘lgan telefonga ruju qo‘yishning salbiy oqibatlari, millat ma’naviyatini yuksaltirish, kitobxonlikni targ‘ib qilish g‘oyasi, kulgili voqealar asosida ilgari suriladi.

Spektaklda Jaloliddin Manguberdi hayoti, uning Vatan himoyasi yo‘lidagi qahramonligi aks etgan.